[娛樂] 袁彌明嫁 唔參選

社運港姐　被疑似婚戒出賣( 2011-09-12 )
隔牆有耳：袁彌明嫁　唔參選 - 李八方


[轉載/Youtube] 人民力量早前宣佈派61人參選區議會，其中11人來自選民力量，惟獨唔見咗養眼女將袁彌明（Erica，圖）。佢噚日現身選民力量傳媒茶敍，話會主力統籌各區選舉事務，唔參選係因為「家事」，講得好隱晦吓，但係八方已經發現佢左手無名指多咗隻疑似婚戒。慢必都承認Erica「家庭崗位」有變，所以唔參選。咁大家心照啦。
9月20號係選民力量成立一周年，勢要民主黨「票債票償」嘅目標始終如一，當日第一批候選人會登記參選，但係專狙擊高達、單雞等「大佬」嘅慢必、劉嗡等人就會遲啲先報名，恐防對手臨時走位去咗第二區。選民力量鐵定10月3號搞第一場造勢大會，話會似台灣選舉咁有live band演出。