[娛樂] 譚詠麟唔認大細奶執位 爆騷倫硬軚

唔認大細奶執位　爆騷倫硬軚 ( 2011-09-12 )
唔認Wendy莎莉執位　阿倫：屋企冇人出家


[轉載/Youtube] 近日傳出跟紅顏知己Wendy正式拉埋天窗的譚詠麟（阿倫），前晚到澳門金光綜藝館開騷，全場爆滿。不過阿倫剛病癒狀態未完全回復，不時痰上頸要頻頻飲水，當唱《夏日寒風》時更因咳嗽不適而甩嘴，阿倫又自爆唱歌時紙炮的紙碎飛入口，蝦碌處處。
阿倫唱《情憑誰來定錯對》時有感而發說：「感情係兩個人嘅事，但娛樂圈往往有旁人說三道四，一發不可收拾，其實旁人真係唔應該多講半句。」
鬧志偉多口
完騷後阿倫受訪，談到有傳他與Wendy低調結婚，兩人跟家人及好友更一同食飯，被指是伴郎的志偉被追問時未有否認，阿倫謂：「佢真係多口，我冇乜喜事，只係生日飯。」志偉當日醉酒被抬走，阿倫形容：「佢次次都要連龜殼俾人抬走，唔好聽佢講，嘥氣。」
對於志偉形容阿倫和Wendy已半公開，他的元配莎莉又一直傳已出家，阿倫表示：「總之我冇任何分別，係傳媒諗多咗，我屋企人成日幫志蓮淨苑做善事，我屋企冇人出家。」再追問婚姻狀況有否改變？阿倫重申沒有。重提志偉多嘴踢爆阿倫家事，阿倫笑言：「要滴蠟封住佢個嘴，拍AV。」