爽報情色係生活 肥佬黎：唔怕鬧( 2011-10-02 )
黎智英：《爽報》非《蘋果》代替品
逾百團體怒轟《爽報》色情荼毒青年
78個團體聯署譴責《爽報》渲染色情 2011/09/22
《爽報》渲染色情投訴爆燈 2011/09/21
全城怒吼 《爽報》禁入校園
Miss搶爽報 學生要投訴( 2011-09-21 )
老師搶我份爽報
[轉載/Youtube] 好多人話《爽報》好快派晒，唔易攞到，原來真係好搶手。沙田基督書院中四生廖同學同八方投訴，話噚日中文堂幾分鐘休息時間，攞份《爽報》出來爽吓，點知Miss見到，話未睇過，順手搶咗去話要借嚟參詳，點知一借無回頭。禁止再帶返學校睇
據廖同學講，噚日校方喺周會上忽然落禁令，話唔准再帶《爽報》返學校睇，理由係報紙內容冇乜新聞價值喎。小息時，風紀更大開殺戒，見報即收，搞到好多同學好唔爽；有同學俾老師收咗噚日份《爽報》後，攞前日嗰份出嚟分享，點知都俾老師沒收。
廖同學坦言好唔爽學校嘅禁令，「打壓新聞自由，作為中學生有分析能力，知道邊啲應該睇或唔應該睇」。校長陳麗蓮則話，睇咗兩日《爽報》，覺得有啲內容同學習冇關，所以唔畀學生帶返學，不過違規學生唔會被處罰，只會勸喻。佢話其他免費報都入得校門，但堅稱禁令就唔係針對《爽報》，好似《蘋果》同《東方》都列為禁報，校內圖書館都唔擺。
《爽報》有乜問題？陳校長咁講：「泳衣照啦，又有馬經，其他免費報冇，同學習冇關；副刊有啲模照片，對發育階段青少年，呢啲相片未必一定適合；陶傑先生嗰啲短文，唔係太過適合學生閱讀；仲有嗰啲漫畫！」
陳校長強調唔會向學生秋後算賬，反而讚學生識得向報章投訴，爭取權利，思想成熟，就算佢睇《爽報》都放心。喺親子王國討論區，有媽媽指《爽報》有「味」，唔想子女睇到，有家長爆料，話個仔所讀嘅一間傳統男校，出通告禁《爽報》入校園，又有人要屋苑搬走《爽報》報紙架。
影視處接74宗投訴
男拔校長張灼祥話未睇過《爽報》，學校冇落禁令；皇仁副校長梁維信稱，有老師講過係咪要禁《爽報》，但未有決定。
影視處過去兩日共收到74宗對《爽報》嘅投訴，其中51宗不滿周一創刊號，14宗針對噚日嘅，另有9宗投訴兩日報紙，都係話含有不雅、淫褻、暴力及有賭博內容。
78個團體聯署譴責《爽報》渲染色情 2011/09/22
約78個關注青少年發展團體聯署強烈譴責《爽報》渲染色情，荼毒青少年，將去信房署及逾30個私人屋苑要求拒絕成為該報的派發點。
團體代表批評《爽報》在學校及社區中心附近派發，令18歲以下青年容易獲得色情資訊，要求該報停止在有關地點派發，亦呼籲市民拒收該報。代表更即場撕毀多份《爽報》，將紙碎擲入貼有「有毒」標籤膠桶，寓意該報荼毒青少年。
0 comments:
Post a Comment