[時事] 惡搞疑似特首 邊個唔抵死

邊個做特首唔抵死( 2011-10-25 )


[轉載/Youtube] 民主黨主席何俊仁孤寂咗咁耐，終於有得喺特首沙圈邊試吓腳。佢同唐唐以及CY呢兩位「假想敵」，同時獲「ICT動力」邀請，聽日傍晚開始車輪轉出席交流會，同關心IT業界嘅人士吹吹水。一如過去幾次活動，佢哋三位會分開三場自我推銷，唔會同台較量。何俊仁有幸做壓軸嘉賓，令唔少政界受寵若驚。
但其實就算只係唐唐、CY同范太惡鬥，呢場賽事已經好精采，個個金句不絕，創作人自然有源源不絕靈感。最近有網民就將佢哋化身為《邊個做特首唔抵死》三大主角，諷刺吓佢哋，同原裝正版《邊個波士唔抵死》一樣咁黑色幽默。