王征搵甘國亮救亞視
[轉載/Youtube] 內地商人王征去年認購咗亞視嘅可換股債券，佢亦以自己堂弟兼亞視董事盛品儒嘅「私人顧問」身份出席亞視嘅會議，不過王征一日未行使亞視啲可換股債券，佢最多只係亞視嘅債主唔係股東，就算係股東都唔可以隨便參與管理，要向廣管局申請，但王征暫時未有咁做，所以佢冇權干涉亞視嘅管理。受挖角潮影響
不過，王征依然好關心亞視，好似嚟緊有其他免費電視台成立，搞到近日掀起一輪挖角潮，無綫首當其衝外，亞視亦受影響。大前晚王征同盛品儒，就約埋當年喺電視台出身嘅甘國亮喺灣仔食飯，唔通亞視想搵甘國亮幫手打仗？
王征一行三人食到晚上約九點半離開，王征帶頭步出，一發現記者，佢即表現愕然同避忌，記者問佢係咪同甘國亮食飯？王征只係答：「係係。」再問佢係咪搵甘國亮幫亞視打仗？王征又只係答：「係係。」之後佢就同盛品儒上車離開，而甘國亮亦喺另一方向急步離去，不過佢哋幾個都露出微笑，相信傾得好愉快。
0 comments:
Post a Comment