[時事] 維園阿哥任亮憲又被襲 促緝兇

維園阿哥又被襲　自己緝兇( 2011-10-03 )
任亮憲促緝兇


[轉載/Youtube] 人民力量成員、維園阿哥任亮憲上月底踩入黃大仙宣傳區選，被三名男子襲擊受傷，警方至今未破案。任亮憲噚日攞住最新疑兇資料去黃大仙警署報料兼遞信，希望警方快啲緝兇。由於其中一位疑兇表態撐工聯會，任亮憲噚日去埋工聯會辦事處請願，呼籲該會譴責選舉暴力。雖然慘食閉門羮，但喺門外揭發工聯會喺門口張貼嘅工作招聘廣告時薪，竟然低過最低工資28元，算有意外收穫。八方問過工聯會發言人，暫時未有回應。
同人民力量分道揚鑣嘅社民連一樣受不公平對待。喺富榮區參選挑戰民建聯鍾港武嘅楊繼昌，被選舉事務處指參選政綱誹謗鍾港武，要求修改，楊繼昌反要求選舉事務處撤回指控，否則或提出司法覆核。