林忠豪送iPhone 4S狂追 莊思敏晒戰利品
[轉載/Youtube] 莊思敏與林忠豪的戀情像霧又像花，昨日莊思敏分別出席舞台劇和Harvey Nichols活動時，先自爆林忠豪送了iPhone 4S電話給她，又大讚男方細心，但到晚上她就強調雖與林忠豪多了聯絡，但仍然是朋友關係，發展尚待觀察中。莊思敏未接受男方感情先收厚禮，看來林忠豪要升級他擅長的送禮攻勢。潘廸生於香港開設的第二間Harvey Nichols店，昨日在太古廣場開幕，吸引社交名人明星出席，如大劉劉鑾雄、甘比及女兒劉秀樺一家三口、李家誠、李國寶、任達華和琦琦夫婦、莊思敏、與陳山聰於微博互寸的周柏豪更一身黑衣到場，原本在大會邀請名單的何超雲則未見蹤影。
揀男友不憑外表
問周柏豪會否與超雲打招呼，他說：「唔知佢嚟，好耐冇見，都有大半年，其實同佢見過三次，每次都係公開場合，冇私底下見過。」
近日傳與林忠豪蜜運的莊思敏，以谷胸姿態現身，問她與林忠豪發展如何時，她說：「我同佢多咗聯絡，但唔係緊密，只係feel到佢搵我密咗，都係做朋友，朋友簡單啲，如果做男朋友，要考慮清楚啲。」問到會否嫌棄林忠豪肥胖，她笑說：「揀男友唔會睇身形外貌，最重要係溝通，仲觀察中。」
即時上載新電話
莊思敏雖口口聲聲與林忠豪依然是朋友階段，但卻收人厚禮。昨午她在關於愛滋病舞台劇記者會上，自爆收了林忠豪送的iPhone 4S電話，更即時上載微博騷戰利品。
莊思敏接受訪問時，還說享受被人追的樂趣，她說：「以前阿Deep（吳浩康）都會煮飯仔，林生都細心，前幾日送咗iPhone 4S畀我。」
0 comments:
Post a Comment