[娛樂] Kelly為蝦餃仔藏一箱金條

2 歲蝦餃仔　學豎琴　做特首？(2011-10-28)
扮窮呃細路　　Kelly為蝦餃仔藏一箱金條


[轉載/Youtube] 潮媽陳慧琳（Kelly）為蝦餃仔劉昇花盡心力，她前晚出席活動，坦言已為囝囝儲了大量金條在保險箱，更會買樓為他置業。但Kelly拒做怪獸家長催谷蝦餃仔學多國語言、樂器及政治課，並會向囝囝訛稱全屋假嘢，全靠死充，十分搞笑。

陳慧琳、鄭裕玲、何超瓊和諸葛紫岐等，前晚在中環出席Central/Central服裝店開幕。一身皮裙的Kelly為活動設計四個慈善手袋，品牌則向Kelly的助學基金捐贈6位數善款。

「戴嗰啲係假嘢」
問Kelly可有為蝦餃仔劉昇捐錢，相信蝦餃仔都有不少身家，Kelly說：「遲啲先啦，等佢明白乜嘢叫捐錢先。其實佢唔係好多錢，得嗰兩年利是錢，不過就有金條，希望金價升多啲，咁就大家都發達！」
Kelly透露外公外婆都買了不少金條給蝦餃仔，她說：「唔知幾多，有啲係一set十嚿，我都冇睇價值。」可有為蝦餃仔置業？她說：「我都會買定層樓畀佢，但唔想個仔覺得自己好有錢，都想佢自力更生，我都有同佢講，屋企嗰啲、戴嗰啲都係假嘢，係充出嚟嘅，訓練吓佢，我唔想做怪獸家長！」
現時小孩為入名校，幾歲已經要學多種外語如法文、西班牙文，及冷門樂器如豎琴等，Kelly一聽瞪大眼說：「吓！我只係想佢識廣東話、國語、英文，其他阿媽都唔識喎，學樂器就太早。」

「佢鍾意玩車仔」
坊間更有小童特首班，Kelly說：「唔好搞政治喇，阿媽都唔識，佢家鍾意玩車仔。」
另外，日前被發現掃BB衫的諸葛紫岐前晚肚扁扁現身，但她又故弄玄虛，大談大肚生仔經博搶鏡，更自爆要向Kelly請教生仔貼士，Kelly說：「我唔係好叻咋，叫佢問徐子淇啦，佢好叻，生完都咁靚！」