慢駛頂住尾隨私家車 單車阻路YouTube熱播
[轉載/Youtube] 「我係單車L，我有路權！」有人近日在YouTube上載一段短片，片段中一輛私家車懷疑在將軍澳澳景路雙白線路段，向前行兩架單車閃燈示意讓路，引發單車慢駛「頂住」私家車，私家車「啄尾」緊貼單車，挑釁場面為時兩分鐘。事件引起網民激烈討論，有人指雙方各有不是。短片由駕私家車事主MrChesterip於本月8日上載，片長2分28秒，片中聲音被刪掉，過去3日已累積逾萬人次觀看。片段中私家車相信由油塘沿澳景路往調景嶺，在彎位高速駛至一段雙白線路段時，被前行兩名騎單車人士阻路，遂以約40公里時速行車，並數次閃動車頭燈示意讓路，惟兩單車未有退讓，反而夾埋並排慢駛頂住私家車。
其中一人更緊捉單車手柄「un吓un吓」作出挑釁，私家車再響按抗議。僅40多秒車程雙白線路段結束，惟三車繼續貼住行，直至維景灣畔對開始分道揚鑣。
事件引起網民熱烈評論，雙方各有網民力撐，有人質疑事主將片段靜音似有隱瞞，「如果唔係佢玩嘢，單車做乜嘢要玩佢？仲有佢不斷推車、狂閃頭燈，人品本身好有問題」。事主辯稱「無撩人」。
有網民力撐：「兩條單車友玩到好寸」、「分明單車有問題啦，有乜嘢理由咁樣頂住人」、「我係司機就砵爆佢再過佢頭」，有人甚至稱不只一次見過事件中的單車友在馬路阻路。不過，有網民指「其實最正確嘅方法應該係報警」。
雙方有可能違法
前香港單車隊代表洪松蔭看過短片後指，任何人士在路面行車都應該要忍讓，片段中單車故意減速及並排行駛固然不當，但「私家車閃一次燈就得啦，同埋唔應該跟車太貼。其實條雙白線得幾十秒，只要忍一忍已經可以超越單車」。洪松蔭補充，他曾在馬路踩單車被駕車人士挑釁，「唔需要反擊，踩埋一邊俾佢行先囉！」
資深大律師陸偉雄指兩者均有可能違法，兩名單車事主並排減速可被控「不小心騎踏單車」；私家車若無保持兩秒安全煞車距離，亦有可能被控不小心駕駛。
0 comments:
Post a Comment