[娛樂] 亞姐幫九叔烏溪沙執垃圾

蠱惑戰衣　高領乳溝冇膠紙( 2011-11-05 )
亞姐圍九叔　香艷執垃圾


[轉載/Youtube] 噚日亞視15位「亞姐」被安排到烏溪沙跟入圍《2011感動香港年度人物評選》嘅候選人郭九，阿九叔15年來堅持喺石灘執走地上蠔殼同石頭，等其他人可以享用一個美麗嘅沙灘，佢哋拎起個鏟同埋水桶，一齊到沙灘拾蠔殼執垃圾，平時九叔得一個人執，家有15位靚女着晒短褲同佢一齊執蠔殼，九叔既開心又興奮，佢就好似主人家咁，同班女仔輪流合照，見到沙灘旁邊有人手指指，然後九叔左望右望身邊兩個靚女，大叫話：「好開心！」之後有個男人唔知係咪唔抵得九叔俾女圍，仲取笑九叔話：「嘩！九叔真係好開心，咁多女仔圍住，成個陳冠希咁。」唔知九叔係咪太興奮，佢同一班女仔合照時，好似坐喺6號馮雪冰大髀上面咁，馮雪冰解釋說：「沒有，沒有，每個人都是蹲的，沒有撞到我。」

儀態盡失
一眾佳麗再次着住件大會tee，本來以為了無新意，點知成班女仔去執蠔，起身蹲低，又唔注意儀態，最後都係失手走光，7號康馨月死撐話今次件衫係無可能走光喎！佢話：「今天一定不會，領很高，今日是沒有貼膠紙。但是平日都會做好安全措拖。」所以，最後咪又係露餡囉！