[娛樂] 提陳冠希謝賢扯火 謝婷婷婷婷預演婚禮

謝賢聞陳冠希即刻發忟憎
( 2011-11-03 )


婷婷預演婚禮　提 EDC四哥扯火( 2011-11-03 )
「呢啲人都好講！」　謝賢不屑提陳冠希


[轉載/Youtube] 陳冠希近日又爆出和16歲模Cammi的伸脷慾照，他之前為淫照事件，曾揚言退出但最終又回歸。前新抱張栢芝也曾捲入陳冠希淫照風暴，四哥謝賢昨日出席愛女謝婷婷活動，一聽到「陳冠希」名字，即時無明火起，一臉不屑說：「呢啲人都好講！」更連兒子霆鋒的事也拒絕再答。

謝婷婷自爆要儲百萬買珠寶孝敬狄波拉，她近日密密出騷搵錢，婷婷昨日成為護膚品牌Estee Lauder代言人，在中環舉行記者會，儼如預演婚禮。安志杰上台送花錫面，緊張到面紅標汗，媽咪拉姑、爸爸謝賢、契爺王晶全部在場見證，拉姑更上台錫「未來女婿」一啖。
四哥謝賢爆將來會送三頭鮑給婷婷做嫁妝：「三頭鮑呀，祖宗嘢，買咗幾十年食滯，佢未出世已經有，有錢都買唔到。我冇錢買珠寶，呢啲問佢媽咪啦！」四哥話只要婷婷開心，幾時嫁都無問題。陳冠希近日又有和16歲模Cammi的咬唇伸脷慾照流出，一問四哥，他即時火起，一臉不屑說：「呢啲人都好講！我真係又要一巴星你哋埋牆。」隨即不願再做訪問，至於可想兒子霆鋒快點再婚，他怒氣未息：「Short㗎？佢嘅事，唔好問我呢啲嘢。」拉姑更索性不接受報章雜誌訪問，只和電子傳媒分享早前見個孫仔的喜悅：「好開心，我生日佢哋買咗生日卡畀我，Lucas又唱生日歌，仲錫咗我一啖。」

安志杰後年娶婷婷
謝婷婷和安志杰就恩愛孖住做訪問，大家起哄叫安志杰求婚，他即說：「現在不行，她說要2013年，現在在計劃中。」婷婷即發嬌嗔表示不知情，但透露早前謝賢已飛往台灣，拜會安志杰母親及外婆。