五大破冰得個講字 Eason繼續遭無綫冷待
[轉載/Youtube] 無綫跟五大唱片因版稅問題令關係破裂兩年，近日終於破冰，五大歌星將可再亮相無綫，但前晚環球旗下歌手陳奕迅和莫文蔚出席首映，雖然無綫有派人採訪，但依然未有訪問兩人，可見雙方關係未完全回復正常。陳奕迅（Eason）、莫文蔚（Karen）、鍾鎮濤（阿B）和黃奕等，聯同導演劉鎮偉前晚到圓方出席新戲《東成西就2011》首映禮。
只訪問阿B黃奕
日前無綫和五大唱片就擾攘兩年多的版稅問題終於解決，故此五大歌星將可以再度在無綫出現，前晚無綫也派出工作人員到場採訪，但現場所見他們只訪問阿B、黃奕和Stephy，卻沒有Eason和Karen份，無綫工作人員表示未收到公司通知要訪問兩人。當日五大和無綫未破冰時，Eason曾高調到有線和亞視接受訪問，不知無綫是否仍耿耿於懷，由此可見無綫和五大關係依然未完全回復正常。
談到五大和無綫破冰，Karen指着Eason笑說：「咁你會多啲嘢做喎。」Eason則表示仍未接到唱片公司的正式通知，他搞鬼地即場打電話給高層黃劍濤查問，怎料黃剛巧在洗手間，惟有匆匆收線。雖然五大和無綫破冰，但無綫高層樂易玲表示明年的《勁歌金曲》總選依然會以有合約歌手為先，Eason又鬼馬地作狀表示要致電樂易玲了解，提到無綫採訪隊未有訪問他，Eason只說：「冇喎，轉頭一陣再留意，我咁鍾意講嘢，點會唔講呢。」Karen則表示沒有留意是哪一間傳媒，只要有人上前訪問便照做。問Karen其老公會否來港捧她的新戲場？Karen笑言：「機票好貴，下次喺飛機上面睇。」
Eason唔識陳嘉桓
提到全城紛紛討論的陳嘉桓在內地消夜時被陳浩民及馬德鐘鹹豬手，Eason聞言反問誰是陳嘉桓，之後他從記者口中得知事件，他說：「我又唔在場，唔回應，我冇乜感覺，真係唔識答。」Karen表示返港時有在飛機上看有關報道。
0 comments:
Post a Comment