陳慧琳陀女湊仔四圍騰
[轉載/Youtube]一直恨女的陳慧琳（Kelly），今年3月公佈不幸流產，痛失孖女，潮媽不時把兩歲的囝囝劉昇（蝦餃仔）打扮成B女滿足己慾，近日再人工受孕成功的Kelly明年將圓B女夢，懷胎四個多月的她理應留家小心安胎，但她昨早和中午都如常出動送囝囝到紅磡返學，陀女湊仔，絕不偏心。Kelly再人工受孕 有喜四個月( 2011-11-17 )
孖女流產大半年 Kelly二度人工受孕有咗四個月
[轉載/Youtube] 今年初39歲的陳慧琳（Kelly）宣佈懷了雙胞胎女兒，不料在懷胎5個月後流產，她與丈夫劉建浩極度傷心，兩夫妻恨再生孩子，三個月後調養好身體再試一次人工受孕，結果成功再懷孕四個多月。昨晚她出席活動時，宣佈有喜，為免生意外，Kelly幾乎要全面停工。陳慧琳08年與相戀16年的男友劉建浩在香港結婚後，翌年7月就產下兒子劉昇（蝦餃仔），喜歡小孩的Kelly計劃多生幾個，去年底人工受孕成功懷了雙胞胎，希望今年可以再做媽媽，豈料懷胎5月雙胞女兒不保，今年3月宣佈流產。
疑懷有B女
Kelly與夫婿雖經歷喪女之痛，但並沒有留下陰影，經過三個月調養好身體，6月中Kelly再試多一次人工受孕，成功再懷孕，Kelly非常小心保胎，現時懷胎四個多月，昨日她才夠膽公佈喜訊。昨晚她身穿露背連身裙在西九的麗思卡爾頓酒店出席Daks活動時，穿了平底鞋的她已見小肚，現場不少記者上前祝福，但她表現低調，只說：「家過咗三個月，我先敢講出嚟。」
Kelly指兩歲大的蝦餃仔太細，還未知道媽咪再懷孕，她表示：「今次再有BB，我比老公緊張，曾經問醫生，係咪要乜都唔做得，醫生話做少少仲好，佢怕我成日喺屋企胡思亂想，所以我都會做嘢嘅！但出埠嘅工作就唔會接，最近我就推咗20、30個內地嘅唱歌show，就係怕飛嚟飛去影響個胎。不過嚟緊都要拍廣告，出席一啲行行企企嘅商業活動。」
問到這胎是女還是子？Kelly說：「未知呀！」雖然她保持神秘，據悉她再選擇人工受孕都是希望可以生女，但為免外界給她太大壓力，對再懷孕一事，她其實是希望可以低調一點，不想說太多。不過今次再度懷孕，感覺跟第一胎沒有太大分別，她說：「家都係肥咗幾磅，胃口都係差唔到，又冇乜唔舒服，算係幾好啦！只不過到夜晚食完飯就會有啲攰，好想瞓！」
Kelly之前演出賀歲片《八星抱喜》，問其他演員有沒有特別照顧她？Kelly笑說：「冇呀！我都冇講畀佢哋知，呢部戲又冇動作，笑片嚟，都係笑吓、坐吓！唔想俾劇組知道後，反而要特別照顧我，咁就更加唔好意思，好彩部戲已經拍晒喇。」
祖兒送祝福
此外，容祖兒和鍾舒漫昨晚在電視城錄影《勁歌金曲》，對於Kelly再懷孕，各人都替她高興。祖兒說：「無論用乜方法都好，能夠達成自己願望就夠嘞。知道佢一向心急，所以見佢好勤力，家透過傳媒恭喜Kelly。」問到希望Kelly生仔還是女？祖兒笑說：「輕鬆啲，生一個就夠，大家唔好擔心太多，佢識照顧自己。」
鍾舒漫則表示曾有屋企人考慮人工受孕，她又說：「大家唔可以停留喺小產陰影，大家要祝福佢，我諗呢個係上天畀佢哋一份好大嘅禮物。」
0 comments:
Post a Comment