[娛樂] 鍾一憲否認斷背：我鍾意女仔！

鍾一憲否認斷背：我鍾意女仔！
2011/12/02

鍾一憲（Jason）出席公開活動，問到近日被指與任職空中少爺的同性密友同居而傳出斷背之事，Jason即否認說：「唔係，我鍾意女仔！我係同做空中少爺的朋友同屋住，朋友都有打電話笑我！」他謂事後擔心影響朋友工作。

鍾一憲同居玩斷背( 2011-12-02 )
與空中少爺勾手指尾　鍾一憲同居玩斷背


[轉載/Youtube] 大名娛樂新人鍾一憲同麥貝夷今年合唱嘅新歌《勾手指尾》，雖然冇乜大宣傳，但憑住口碑，佢哋個MV喺網上有超過200萬點擊率，認真犀利。而鍾一憲同麥貝夷成日都以情侶檔姿態宣傳，令人誤會佢哋真係拍拖，但原來鍾一憲係同一個男仔勾手指尾。
噚日就有讀者爆料，話鍾一憲其實一直有個姓李嘅空中少爺男友，仲親密到已經喺沙田同居，佢哋更一齊養咗隻芝娃娃增加生活情趣。讀者仲話喺附近啲街坊食肆成日都可以見到佢哋出雙入對，但佢哋就對外宣稱係兄弟。讀者又提供咗好多佢哋嘅合照，有啲就身貼身十分親密，亦有唔少係孖住一齊出席朋友嘅婚禮場合，可見關係非比尋常！

經常孖住現身
據知，鍾一憲男友姓李，喺新界一間中學讀書嗰陣已經有一個男友，畢業之後佢做咗空中少爺，識咗鍾一憲之後，兩個人就喺沙田共築愛巢。鍾一憲入行之後亦都唔避嫌，經常同男友出席啲公開活動，好似之前佢同師姐趙碩之等人齊齊擦大閘蟹，都帶埋男友一齊出席。