[時事] 原廠福士GOLF兩年變銹底 泊曼谷咩

原廠 GOLF兩年變銹底　泊曼谷咩( 2011-12-07 )
福士陳列室疑賣水浸車


[轉載/Youtube] 不良水貨車行出售「水浸車」時有聽聞，但有市民在福士陳列室買行貨新車，落地兩年已多處離奇生銹，懷疑購下「水浸車」，向福士追究未獲滿意回應，遂自掏腰包聘請律師及公證行撰寫專家報告，「公證行職員私下話我聽，佢哋唔係第一次處理福士呢類個案！」專家指出新車不尋常銹蝕，或與出廠後曾在灑了防滑鹽的雪地公路行駛有關。

事主李先生09年在福士灣仔陳列室以31萬購入Golf私家車，職員稱是德國原廠新出，兩年來操作正常。今年初，李偶然將車送到車房維修，「師傅吊起架車一睇，見到車底生晒銹，勸我哋向福士了解」。

口頭承諾換零件
李堅稱該車從未泊在水浸的街道或停車場，甚至沒泊過在海邊，遂將車駛到福士維修部投訴。他指修車師傅曾口頭承諾免費更換生銹零件，但他不接受。「諗起呢兩年揸住架五癆七傷嘅車就覺得好危險，就算佢哋肯換零件，始終擔心安全，於是建議福士換架兩年車齡嘅Golf畀我，點知福士拒絕，甚至連免費更換零件都無再提。有維修部經理仲問我『其實你係咪將架車泊喺海邊呀？咁樣我哋唔負責喎！』」李怒說：「根據佢嘅邏輯，即係話住喺海邊嘅人唔好買福士啦！」
福士公關部梁經理回覆查詢時堅稱，無證據顯示李先生車輛生銹與品質有關，故拒絕答應換車，但願意提供翻新除銹服務。梁承認有其他顧客曾就汽車生銹向維修部查詢，卻指每輛車情況有別，不會作比較。
香港汽車工業學會會長李耀培檢視過公證行報告及相片後，從銹迹並無蔓延到車胎以上位置分析，該車為水浸車的機會較微，但很大機會是運送時出事。「歐洲國家嘅道路經常積雪，交通部門會喺路面灑鹽防滑。由於車廠運送車輛未必一定用卡車，有時係直接駛去碼頭。過往曾發現有啲車出廠時防銹做唔足，駛去碼頭時沾鹽水，到達後又無補做防銹，只係車行及顧客無留意」。