[娛樂] 梁靖琪 Toby 婚照大解放

倒 C 奶 Toby 　婚照大解放 2011年12月03日
Toby倒 C奶住家菜箍老公


[轉載/Youtube] 梁靖琪（ Toby）跟圈外老公黃敏豪日前低調註冊，一對新人大後日在洲際酒店搞婚宴，平日收收埋埋 36C的 Toby，日前拍攝婚紗照時大解放，大倒 C奶巨咪，新娘子自爆以炆豬手和愛心湯等住家菜箍緊老公。

梁靖琪近年大搞結婚籌備公司，過去先後替不少新人度身訂做合意婚禮，自己的大日子就加倍落力， Toby上月底已與老公黃敏豪低調註冊，大後日（ 6日）在洲際酒店筵開 56席招呼親友。新娘子 Toby早前與老公到了上海和台灣拍攝婚紗照，穿上 low cut婚紗的她大晒 4吋事業線。

姊妹團陣容鼎盛
Toby在圈中人緣不錯，伴嫁姊妹團陣容鼎盛，計有佘詩曼、唐詩詠、湯盈盈、郭少芸和姚樂怡等。已註冊未擺酒的 Toby在名義上已是黃太，她昨日在電話中說：「好實在，但未慣大家咁叫我。」
問到 Toby婚後如何做個好老婆，她說：「我哋會互相尊重同支持，啱同錯都要喺對方身邊。」 Toby笑言自幼多得家訓培育她入得廚房，出得廳堂，她說：「真係要多謝阿爸（無綫製作部總監梁家樹）佢自細喺我身上灌輸『阿信的故事』。」 Toby自誇撚手廚藝成功箍實老公，她說：「唔可以話箍實嘅，呢啲係情趣，老公鍾意飲我煲嘅湯同食我炆嘅豬手，佢返工咁辛苦，放工有餐屋企飯食係好事。」

「真人上鏡啲㗎」
Toby和老公黃敏豪的婚紗相大晒幸福，有上遊艇出海，又有穿上便服坐在路邊，她說：「我拍咗好多唔同 style，個個我都鍾意，其實我同老公真人上鏡啲㗎。」 Toby這次真人騷正好省靚公司招牌，她表示過往都有跟肌肉男羅仲謙合作拍婚紗照，雖然效果不俗，但攝影師看過今次 Toby和夫婿的恩愛，無不大讚他們笑容甜到漏。