「小心乳環跌出嚟」 Sammi擺明飛巨釘
一連四場《蝦仔爹哋慈善音樂舞台劇》前晚在灣仔新伊館舉行尾場，請來米雪、鄭秀文（Sammi）和苗僑偉做嘉賓。Sammi穿上3D卡通衫上台唱《信者得愛》，心情勁靚的她扯着胸前的卡通眼睛笑說：「好立體㗎，睇清楚喇，真人不露相。」Sammi更對林建明（沙姐）笑說：「特登畀你摸㗎，不過小心乳環跌出嚟。」惹來全場大笑。
千嬅有餡 仲喪跳？( 2011-09-24 )
千嬅借老公畀大姐明嘆
請嚟大棚紅星撐場嘅《蝦仔爹哋音樂舞台劇》，前晚繼續喺灣仔伊館上演第三場，今趟有楊千嬅做嘉賓，有份演出嘅林建明（大姐明）繼續對嘉賓手多多摸勻全身之外，竟宣戰話要做千嬅與老公丁子高嘅小三，搞到千嬅唔知笑好定嬲好。同場嘅有盧海鵬、戚美珍（三嫂）同埋賈思樂等，友情客串嘅仲有關菊英同陳百祥，現身捧場嘅有黎瑞恩、曾勵珍、米雪、李香琴同埋菊姐密友Willy等。
Eason俾大白鯊狂抽水( 2011-09-23 )
大姐明飛擒大咬 Eason任摸任錫
[轉載/Youtube] 由林建明（大姐明）、盧海鵬、賈思樂和戚美珍等主演的《蝦仔爹哋音樂舞台劇》前晚第二場，邀得陳奕迅（Eason）、黃日華和毛舜筠做嘉賓。大姐明發揮猴擒本色，三度咀Eason面珠，又摸勻他全身。一連四場的《蝦仔爹哋音樂舞台劇》前晚在灣仔伊館演出第二場，除了主角林建明、盧海鵬、賈思樂和戚美珍等外，第二場邀請了陳奕迅、黃日華和毛舜筠做表演嘉賓，吸引了羅慧娟、鄧萃雯媽咪及關心妍夫婦等捧場。
黃日華走音
Eason除了被摸勻全身外，大姐明更錫他面珠。鵬哥取笑Eason的頭似瀨屎，Eason即死撐是3D效果，Eason表示自己是蝦仔爹哋的粉絲，一直好喜歡看他們的節目，大姐明即禮尚往來說：「我都係你嘅粉絲。」隨即攬住Eason不放狂抽水，又再連錫Eason面珠兩次，搞到Eason嚇得成個跪在地上，但Eason離場前不忘說：「細個時學識一句嘢，得閒唱吓K，就唔會變癩痢，靚仔過陳冠希。」
廖安麗、戚美珍和江欣燕演繹拉扯場面時，廖安麗因太用力，險些扯甩戚美珍的衫。黃日華就化身郭大俠獻唱《世間始終你好》，點知一出場就走音，華哥死撐說：「學Eason話齋，唱得太好搶晒你哋風頭，我專登唱到走走哋。」
此外，早前曾傳患病的羅慧娟前晚現身時氣色不錯，問她是否有戲癮？她表示現時專注做賢德婦人，不想到冇人要才引退，她強調現時身體狀況好好。
0 comments:
Post a Comment