Lucas被阿媽累曠課 霆鋒冇眼睇栢芝受虐
【鋒芝變之禍不單行】張栢芝年前拍攝的大膽被虐片於網上瘋傳，令剛淡化的鋒芝新聞又有新衝擊。Lucas連續兩日缺課，栢芝昨依舊潛水，謝霆鋒就輕鬆游水。對於栢芝流出被虐片，霆鋒冇眼睇，一句講晒：「我唔睇呢啲嘢嘅。」 張栢芝在05年為陳冠希導演老友Vernie Yeung拍攝的被虐短片《狗仔戰俘》，連日於網上及iPhone app任人睇，片中着背心及內褲的栢芝被五花大綁，再被一個球形SM用具塞口，她髮亂妝溶、掙扎慘嚎，逼真度爆錶。 「寫番啲好嘢啦」 與栢芝已聯合發聲明宣佈離婚的謝霆鋒，對栢芝流出被虐片冇眼睇。昨日他和胞妹謝婷婷男友安志杰相約游水，下午3時多安志杰乘霆鋒的7人車抵達金鐘柏舍。戴cap帽及黑超、着迷彩tee襯板仔褲的霆鋒，未幾踢拖落樓會合，問他知否栢芝流出被虐片？他不作聲，只表示會與安志杰去游水，其後他上車往中環四季酒店，他落車時再被問到有否睇過栢芝被虐片？霆鋒淡然說：「我唔睇呢啲嘢嘅。我哋香港人有好多好嘢寫，香港人寫番啲好嘢啦。」 游足兩粒幾鐘後，霆鋒和安志杰結伴離開，有記者問霆鋒會否覺得栢芝被人害？他只重申香港人應寫好新聞。若栢芝受傷害，霆鋒會否為她出頭？他聞言笑而不答並上車離開。 至於在港的栢芝昨繼續潛水，未知她是否受到流出被虐片的打擊，繼續未有湊囝囝Lucas上學，與Lucas同校的李克勤大仔Ryan就如常出現，昨晨他先由父親送返學，下午克勤和太太盧淑儀就齊齊湊放學，克勤抱住戴黑超的Ryan上車時，還望住記者跟兒子抵死地說：「睇吓前面幾多黑影。」 婷婷讚栢芝豐富 此外，謝婷婷昨晚與傅家俊在中環出席桌球賽活動時，提到Lucas又冇返學，婷婷說：「我唔知點解，可能佢喺學校後門入。哥哥知道可能會跟進，佢向來緊張Lucas返學。」對於栢芝拍被虐片，婷婷表現得一無所知，她得悉是藝術短片後，揚言Lucas兩兄弟還細，料不會摷雜誌睇。有指栢芝工作大膽，婷婷說：「佢向來喺工作上都幾豐富。」栢芝私下是否都豐富？婷婷即說：「唔知。」
0 comments:
Post a Comment