群發SMS掀電視茉莉花革命 王維基包養無綫藝人
宗澤、陳豪冇挖角 call嘅( 2011-09-28 )
全城熱話 陳豪：噚晚都收到SMS
[轉載/Youtube] 城市電訊主席王維基為了明年成立的免費電視台，向無綫、亞視展開大規模的挖角潮越演越烈，前晚王維基向兩台幕前幕後群發挖角SMS邀請，隨即掀起「電視茉莉花革命」。據悉王維基又出新招，向藝人提出期權合約包養跳槽藝人，為招攬人才不惜工本。王維基明年成立的新免費電視台將主攻電視劇集，為應付首年260小時劇集製作，王維基近日大舉向無綫和亞視幕前幕後進行挖角行動，由王維基親自出馬約見藝員和幕後。至前晚，有關挖角行動更升級為「電視茉莉花革命」，王維基以自己名義，透過短訊向無綫和亞視全台藝員和幕後發出挖角邀請，內容為：「我們的免費電視即將開台，以拍攝高質素劇集為主，需要大量演員參演，現時創作班底（包括編審、編劇）有30多人，導演及統籌共20人。開台首年製作260小時劇集，次年520小時。如感興趣，請聯絡藝員部潘先生或王小姐。若有需要，請轉發給同業朋友。」
王維基前晚向無綫藝員廣發挖角SMS，眾藝員均承認收到短訊，看來無綫要急謀對策應付。
陳豪：我噚晚都收到個SMS，就算對方出好高人工，但有時人唔係單睇金錢，仲要講求質素，我喺無綫好開心同滿意，陳茵媺都有收到短訊，佢都冇話想走。
鍾嘉欣：收到個短訊，不過我拍劇忙到明年2月，所以唔會諗唔會睇。我入行7年，公司都幫我接好多工作，家我嘅夢想就係喺加拿大買大屋畀父母。
胡杏兒：王維基親自打畀我，寒暄幾句，收到電話都開心，證明自己有價值，不過我未有意思離開TVB。
徐子珊：我收到王維基嘅電話，但對方冇好落實講係邊個，我淨係知道係其他公司，我答佢唔考慮同多謝就收線。
黃宗澤：我冇覆到，自己同公司仲有幾年約，暫時無意跳槽，但希望加薪。
汪明荃：我喺TVB都40年，經歷過無數次挖角潮。我對TVB有歸屬感，所以冇動心過，薪酬方面都希望公司調高啲。挖角係好，證明呢個事業更多人才加入。
商天娥：我拒絕咗，因為老公反對我轉工，做生不如做熟，始終TVB係一間有基礎嘅公司，我唔想做開荒牛。
高海寧：我冇覆，因為冇諗轉工。公司畀好多機會我，人係要飲水思源。
朱慧敏：聽到佢公司名以為係叫裝機，但我有聽晒，我冇覆，個心喺TVB度。
鄧英敏：今日我係同王維基嘅助手見面，搵我哋除咗因為仲有半年就約滿之外，主要都係想我哋過檔拍劇集，不過無綫已經約咗我傾續約。
0 comments:
Post a Comment