林 D9前傳揭公公係大雞六
[轉載/Youtube] 林公公剛上台做 CS ，就有三千人上街叫佢下台，升官升到民怨沸騰，都真係世間少有。林公公人肉錄音機，北京哈巴狗 嘅 形象深入民心，咁到底林公公做公公之前，究竟係乜 嘢 模樣呢？林公公係華仁書院畢業生，有心人搵到本七十年代 嘅 華仁仔同學錄，內含《林 D9 前傳》，記錄 咗 少年時代林公公係一個乜 嘢 人，八方不妨 喺 度同大家分享一下。
當年 17 歲 嘅 林瑞麟，原來已居於渣甸山白建時道；當年未做公公，個樣尚算正常，同學對佢 嘅 評語係：
又名大雞六，此君為人「精靈」，加以辭鋒凌厲，故能「率常屈其座人」，為辯論之人才。其人手長腳長，健步如飛，曾奪校運會千伍百公呎跑步冠軍，故各同學宜小心，激怒了他，可不是走能了事的。
林公公點解叫大雞六？唔通佢鍾意玩牌九？佢經常 喺 議會上強詞奪理，原來年少時經已係好辯之人。林公公跑得咁快，睇怕第日民怨爆發，佢應該都可以走得快，好世界。
好多人都會問，究竟特區政府係咪撞邪？點解林公公都可以做到 CS ？呢個問題，或者可以從紅爆網絡 嘅 「司徒夾帶」師傅 嘅 短片中找到答案。師傅每年哈佬喂前夕都會拍片，同大家吹 吓 香港 嘅 風水靈異檔案。今年條片近日出街，請來 模「動物 Maggie 」做客席主持，齊齊解構添馬艦新政府總部風水。
0 comments:
Post a Comment