[娛樂] 契弟陳山聰拒搵契姐謝罪

契弟聰拒搵契姐謝罪(2011-10-14)
「唔係好時機」　山聰拒搵伍姑娘謝罪


[轉載/Youtube] 陳山聰自從拋棄糟糠Ponny戀上賭王三太愛女何超雲後，圈中好友買少見少。早前伍詠薇在微博揚言要與「友人」絕交，山聰在電台認衰指酒後失言而公開認錯。山聰和伍姑娘昨日分別現身將軍澳電視城，但他始終沒有面對面跟伍姑娘道歉。

現年34歲的陳山聰跟22歲的賭王千金何超雲拍拖後，沉醉於愛河之中，更被指見利忘義。早前伍姑娘在微博揚言要跟「友人」絕交，矛頭直指契弟山聰。其後山聰在電台聲稱酒後玩truth or dare而失言，願意公開道歉，但伍姑娘不接納，且獲一眾好友力撐。

「要私下解釋」
山聰昨日在將軍澳電視廣播城出席劇集《天梯》拜神活動，對於伍姑娘不接納其道歉，他表現得一臉無奈，山聰說：「明白今次事件自己做錯，朋友家人有誤會都要時間修補，say sorry唔一定人哋要接受，作為朋友做錯事有責任講對唔住，知自己錯，唔等於要即刻原諒。」山聰還將事件攬上身：「記者們都唔好為件事騷擾佢，要問就問我啦，有機會都想當面同佢say sorry。」
話雖如此，湊巧昨夜伍姑娘也在一廠開工，山聰得悉後即時縮沙：「唔啦，有工作要做，唔係好時機，要私下解釋，我都有whatsapp佢，但佢冇覆我。」有指伍姑娘覺得他以玩遊戲做藉口太牽強，山聰說：「有人可能覺得係，但我只講出來，接唔接受唔可以幫人答，相信要時間。」山聰又否認事件與女友超雲有關，只是自己玩遊戲搞出大頭佛。
此外，伍姑娘、郭政鴻和湯盈盈等前晚到將軍澳電視廣播城為《變身男女Chok Chok Chok》錄影，伍姑娘繼續拒絕受訪，但全程笑容滿臉企定定影相。與山聰份屬好友的湯盈盈暗寸對方說：「好耐冇見佢（陳山聰），佢家忙拍拖。」