[娛樂] 霍思燕嘲黃奕嫁油頭肥佬

疑似小三笑低胸黃奕　嫁油頭佬(2011-10-18)
不屑炒作離婚　霍思燕嘲黃奕嫁油頭肥佬


[轉載/Youtube] 內地女星黃奕早排同前夫姜凱閃婚後又閃離婚，事件成為焦點，當時有傳《我要成名》嘅內地女星霍思燕做小三搶人老公，事後霍思燕否認介入黃奕婚姻。噚日霍思燕忽然喺微博狂鬧一名女星係怨婦，又用自己新片《風車》中嘅台詞寸嗰個女星貪慕虛榮同鍾意講大話，又話：「別一有電影要上的時候，就把你的肥胖油頭前夫扣在我身上！」
雖然霍思燕冇開名，但明眼人都知佢講緊家為新片《競雄女俠─秋瑾》做宣傳嘅黃奕。

五十步笑百步
霍思燕嘅文章上載冇耐就引嚟過千網友回應，唔少網友都炮轟佢炒作為自己電影宣傳，可謂五十步笑百步。
另外，黃奕同陳嘉桓前晚喺尖沙嘴出席《秋瑾》慰勞宴，黃奕以低胸裝示人，佢仲同陳嘉桓因拍片成為好姊妹。黃奕話有向陳嘉桓學功夫，但就話拍打片辛苦：「耍刀劍與騎馬都好難，但很有成就感，耍功夫亦好帥氣。」黃奕透露秋瑾後人睇完套片都話感動，佢自己就睇到淚灑當場。