[區選] 求神拜佛 「米嚟老鼠」現真身

求神拜佛　「米嚟老鼠」現真身( 2011-10-24 )
騎呢競選橫額嚇人一跳



[轉載/Youtube] 為議員製作橫額，可能係香港第七大產業。八方噚日返工路經將軍澳環保大道，見到日出康城對出唔夠一百米嘅一段欄杆，足足掛咗三位區議會候選人總共九幅橫額，實在何其壯觀！最吸引八方眼球嘅，係一位叫徐潤容嘅橫額，呢位徐生黃婉曼上身，寫上「昨天！憑跳遠跳出香港」「今天！以毅力服務街坊」，話自己連續六年係全港跳遠冠軍。

選舉係鬥票多唔係鬥跳得遠，同場較量嘅仲有由委任轉直選嘅方國珊同民主黨張志董，睇吓鹿死誰手啦。另一幅係網上流傳嘅西貢欣英區候選人張民傑嘅橫額，竟然寫上「太太，我愛你」咁肉麻，示愛唔該你返屋企！