[區選] 蔡瀾獻第一次 做助選之星

蔡瀾轉行寫政評？( 2011-10-27 )
蔡瀾獻第一次　做助選之星


[轉載/Youtube] 食家蔡瀾寫食評大家睇得多，今年區議會選舉，佢破天荒動筆寫「政評」，推介一個候選人，就係公民黨太子區嘅鄧志盈。
蔡瀾話鄧志盈係「新星」，形容佢「靠得住」，所以支持佢。鄧志盈同八方講，認識蔡瀾好多年，係老朋友，因為蔡瀾住九龍城區，所以搵佢幫忙。據佢所知，今次應該係蔡瀾第一次撐候選人，「篇文係佢自己寫，好感謝佢」。
鄧志盈出選嘅太子區係私樓區，冇得上門「洗樓」家訪，只能企喺街邊拉票，勝在工夫少；唔好處係好似大海撈針，佢對手係角逐連任嘅黃以謙醫生，獲唔少法團支持，有一定數量「鐵票」，呢仗唔易打。