藍光還原零瑕疵靚聲 講樂．克勤
[轉載/Youtube] 10年前跟香港管弦樂團合作，《港樂．克勤Live》叫好叫座，算係李克勤另一個事業新高峯。事隔多年，再跟以葉詠詩為首嘅香港小交響樂團合作，克勤由「港樂」轉為「講樂」，大談過癮趣事同感人故事。唯一不變，係超靚現場收音，在藍光碟龐大容量支援下，24bit/96kHz高規格錄音，將克勤超靚震音同假聲完美還原。靚聲只唱不聽
儘管分別跟港樂及小交響樂團合作過、儘管推出過靚聲專輯《演奏廳I&II》、儘管昨天才推出的藍光版《李克勤．香港小交響樂團演奏廳2011》，以24bit/96kHz完美還原做賣點，偏偏克勤對在家中欣賞高清CD，絕不發燒。「一直覺得，最靚嘅聲已喺Studio聽過，根本無可能照辦煮碗搬返屋企。發燒音響我係有嘅，但近年家中多了兩名小成員，就算有閒情坐低聽吓歌，都唔方便將音量扭得太大。反而拜託Alan Lee，集中火力幫我Set靚電視同碟機嗰Part。」
「家數碼錄音科技咁勁，唱幾個Take已可剪接成令人滿意作品，高清CD有佢優點，但我較懷念當年黑膠唱片嘅Analog年代，好似我剛啱聽番鄧麗君首《小城故事》，嗰種味道真係好正，若然夾硬加現代樂器重新編曲，一定走晒樣。至於發燒CD，暫時未有Planning，起碼要完成手上張國語專輯先再考慮。」
0 comments:
Post a Comment