爆李家誠呷醋 子淇湊仔：初戀感覺
[轉載/Youtube] 「千億新抱」徐子淇今年6月為恒基細少李家誠，誕下兒子李俊熹，忙於湊仔的她昨日產後首次公開露面。子淇笑言有囝囝「有番初戀嘅感覺」，恍如多個男朋友，連老公都呷醋。周日她將為囝囝舉辦以馬戲團為主題的迎生嘉年華，但老爺四叔李兆基就不會再豪派利是。徐子淇昨日在尖沙嘴出席護膚品雪花秀慈善活動，同場還有任達華和歐陽妙芝。穿上淡紫色吊帶裙的子淇完全收身成功，但她指仍未回復產前體形，她說：「以前仲瘦啲，不過家冇刻意減，又唔係做model，身體健康最緊要，唔想傷身，家湊三個B，運動量好大，每日只有五個半鐘頭瞓覺。」
老公睡覺才餵奶
子淇怕菲傭縱壞仔女，不敢假手於人，寧願自己費心，接送兩個囡囡返學和教功課，又踢爆老公一見囝囝瀨尿就推給她湊。說開囝囝，子淇就停不到口：「佢家17磅，未生之前真係錫兩個女多啲，但生完仔之後，好開心，好似有番初戀嘅感覺。見到個仔，成個心都溶咗，好似多咗個男朋友咁，連老公都呷醋，一見我睇住佢，佢就唔理我，我又要等佢瞓咗，先可以去餵夜奶，好好笑囉！」
老爺四叔李兆基曾想子淇生到35歲，可是子淇表示暫時不會再追，她說：「隨緣啦，有一個（仔）已經好感恩，再有就有，冇都好滿足。」子淇大女晞彤和二女晞兒出世，都有豪擺百日宴，她透露早前已低調和家人吃飯慶祝囝囝俊熹的百日，周日則會舉行迎生會，以馬戲團做主題。
老爺唔再派利是
子淇說：「因為我細個好鍾意空中飛人，想飛來飛去，但實現唔到，上次兩個女用garden做主題；for男仔，嘉年華會開心啲，到時會請馬戲團嘅人嚟表演。」她指大伯李家傑的三胞胎也會出席，至於老爺可會再豪派利是？子淇笑說：「唔會啦，佢咁叻計數，唔會派double。」
0 comments:
Post a Comment