研究森林發現屎都有用 執屎專家悟人生
[轉載/Youtube] 開口埋口「屎屎聲」認真不雅，人稱Scatman的生態專家溫柏豪卻百無禁忌，其研究項目的確「屎」無前例─糞便如何幫助森林恢復。動物進食植物果實後，牠們隨處排便，糞便內藏數以千計種子散播在郊野，變相植林。幾乎日日上山找屎的溫說：「連屎都咁有用，青年人唔好再話自己冇用喇！」 又到行山季節，28歲的溫柏豪帶記者到港島南區大潭郊野公園行山，不是欣賞鳥語花香，而是找屎，尋找靈貓科動物的屎迹。研究森林恢復的專家很多，他是香港首位以糞便做題材的人，「個山周圍都係屎，你以為係廢物，好唔顯眼，踩扁咗都唔知，其實佢哋真正係『黃金』。」
溫柏豪由「乜屎都唔識」，到日日上山找屎，夜夜在研究室「洗屎」，在最原始的種子傳播方法中，參悟大自然「屎」路中的智慧和生機。溫說在眾多動物糞便中，以靈貓科糞便中的種子有效傳播率最高，「佢哋食完就周圍屙，又唔會整爛粒種子，免費幫被山火焚毀嘅森林恢復。」
香港的靈貓科動物只有果子狸及小靈貓（又名麝香貓），前者在樹上棲息，後者在地上生活。夜間出沒的靈貓科是雜食動物，既吃果實又吃肉類，「只係食本地植物，例如韓氏蒲核、羅浮柿及榕樹等，貪佢夠juicy。好似紅膠木呢啲外來種，果實太硬又乾爭爭，唔啱佢哋食。」
0 comments:
Post a Comment