趙海珠峇里島結婚
女主播唱歌賀浸大55歲
講開新聞主播，好多都係浸會大學傳理學院嘅畢業生，母校噚日慶祝55周年校慶，喺灣仔伊館搞咗個「濃情大匯演」，一班新知舊雨校友雲集，拉丁舞、魔術、話劇表演樣樣齊，最矚目就係一班前度或現役主播同記者包括周嘉儀、洪綺敏、陳凱欣、何翠萍、王春媚、吳子敏、趙麗如表演唱歌，由75年畢業嘅大師兄、有線新聞部揸弗人趙應春彈琴伴奏，唱咗《幸運是我》同《我的驕傲》，呢班女將報新聞大家睇得多，聽佢哋唱歌真係冇乜幾何，以業餘嚟講，水準唔錯，有興趣聽吓嘅，上《蘋果》動新聞就有片睇。
新聞小花賀台慶？高登仔 冇得睇( 2011-11-10 )
新聞界小花唱歌賀校慶
[轉載/Youtube] 新聞小花平時講新聞好嚴肅，唔知唱歌有冇巨聲級數？浸大嚟緊星期日會喺灣仔伊館搞場「濃情大匯演」慶祝55周年，幾位新聞小花會合唱《我的驕傲》同《幸運是我》，包括TVB周嘉儀、有線王春媚及吳子敏、now陳凱欣、ATV洪綺敏同商台何翠萍，大師兄、有線新聞部揸fit人趙應春負責彈琴，露一手自學琴技。可惜，2,300張門票只派畀浸大自己友，不公開發售。匯演監製麥潤壽話，當日會播出各小花那些年嘅學生妹舊照。校長陳新滋都會落場，同讀體育碩士課程嘅乒乓金牌選手李靜鬥波。
0 comments:
Post a Comment