[時事] 抄外國廣告 民建聯自摑

鬧人惡搞　禮義廉仲無恥( 2011-11-23 )
抄外國廣告　民建聯自摑


[轉載/Youtube] 民建聯成日俾網民惡搞，陳鑑林早排開腔講網絡23條，大聲挑戰網民話：「你有本事就自己創作，點解要搞人哋啲相？」有網民即時搵到民記喺08年立法會選舉時嘅廣告，發現有「抄巧」外國廣告之嫌，仲似足九成九喎。
民記個廣告係講一班港人用扶手電梯，點知條梯突然壞咗停低，啲市民就好鬼急躁企晒喺度等人打救，畫面之後就閃出一班民記候選人，懶醒目咁行樓梯，最後由譚耀宗攞彩話要向前行、理性務實喎。
但有網民搵到外國健康食品牌子早過民記好多拍咗個廣告，情節似乎一模一樣，但結局係冇人打救齊齊原地踏步。擺明係抄人，好可能犯咗《版權法》喎。網民就寸番陳鑑林，話民記如果有本事就自己創作啦，做乜要「惡搞」人哋個廣告呢？網民已係fb吹雞，計劃12月4日發起「有本事就咪封殺創作自由」大巡遊，路線待定。