2011年11月09日
[轉載/Youtube] 08年淫照事件搞到滿城風雨，幾位女星唔係人間蒸發就龜縮唔見人，男主角陳冠希（ Edison）更避走美國短暫退出娛樂圈。事隔 3年，以為 31歲 Edison修心養性唔再亂影，估唔到上週又有新作見街，今次女主角竟然係只得 16歲讀中四嘅模謝芷蕙（ Cammi）。除了多張二人赤膊床上啜爆相流出外，連情慾短訊亦曝光。難得成功洗底，據知 Edison對疑似被人出賣非常憤怒，見光後鬧完又氹出招，務求阻止對方繼續爆料。 Cammi週一（ 7日）承認有口難言，仲話：「我好驚，有人迫我做大話精！」
上週五（ 4日）深夜，本刊與 Cammi進行訪問，一向有問必答的 Cammi忽然避忌，問一句答一句，有時索性扮失憶或唔出聲避開話題，與早前高調回應的態度 180度轉變。簡單如「拍拖時會去邊度食飯」， Cammi都口窒窒，要多番追問先肯講出約會地點，「我哋都係普通情侶 嘅見面方式，有去食飯……係樓上餐廳……食日本嘢。」
捉住痛腳
床照都夠膽影，回應卻驚青又小心。原來 Cammi近日收到電話，有人出言要 Cammi封口，否則隨時「有嘢睇」。「件事出 咗街之後， Edison好嬲，即刻打電話狂鬧 Cammi，其中一次仲好惡咁話『你唔好再亂講嘢，你知你大把嘢喺我手！』 Cammi好驚，私下向密友透露猛話有人嚇佢，叫佢收口，迫佢做大話精！」知情人士透露。
不再高調
被懷疑放料博宣傳，在慾照流出頭幾日相當配合，除有問必答，亦任影唔嬲，但到上週五突然變得避忌，仲唔係受壓？
1/11自稱受傷
慾照上週二（ 1日）流出後， Cammi隨後兩日高調接受傳媒訪問，又化行妝落樓俾記者影相，毫無保留分享拍拖細節，「我好 hurt，好唔開心！如果大家想知（係咪處女），我可以去驗！」
0 comments:
Post a Comment