張耀揚大戰《那些白》
《高登音樂台》 那些白 (那些年改篇)
[轉載/Youtube] 九把刀借女神沈佳儀過橋拍《那些年，我們一起追的女孩》，搵完初戀又搵錢，唔到你唔服。不過講到創意喎，高登仔一啲都唔輸蝕。佢哋最近將電影主題曲《那些年》改詞，惡搞咗首「少少鹹、多多趣」嘅《那些白》，直情集愛情、悲情、懸疑同奇情於一身，YouTube點擊次數已接近30萬。忽唱情歌
呢首《那些白》除咗有啜核歌詞、精美插畫貫穿MV外，仲搵埋聲似胡夏嘅高登仔唱埋。內容講主角情人節送卡向女神表白，點知俾對方鬧爆。主角百思不得其解，後來先發現佢送嗰張合照上面，居然有撻白色液體，但原來係塗改液唔怪得俾女神誤會啦！尤其係佢震晒音、聲嘶力竭咁唱出「好想告訴你，告訴你我沒打飛機」，真係會戥故事主角唔抵。九把刀都有聽過《那些白》，都忍唔住留言：「哈哈哈沒想到還是有白爛前仆後繼地改那些年，哈哈哈謝謝啦很好笑很智障啦！」
最近網上流傳另一條片，勉強都可以同《那些白》轟過，就係張耀揚上個月喺澳門出席「第六屆海峽杯籃球賽頒獎禮晚宴」嗰陣，無啦啦唱咗首張震嶽嘅情歌《愛我別走》，有口痕網友話佢《古惑仔》「烏鴉」上身，仲問係咪選緊東星坐館㖭！
0 comments:
Post a Comment