「好多人都減咗」 徐淑敏加人工晒命
[轉載/Youtube] 已為二女之母的徐淑敏（Suki）昨日與走青春路線的糖妹（黃山怡）及腸粉（丁樂鍶）拍TVB飲食節目。Suki大嘆早出晚歸開工，十分掛住兩月大囡囡Renee，惟有交託B女給奶奶及母親照顧。Suki透露慶幸TVB續新約加人工，更爆其他藝員要減薪續約。徐淑敏（Suki），糖妹（黃山怡）及腸粉（丁樂鍶）昨日以主持身份現身元朗拍攝TVB的《甜姐兒》節目，Suki透露忙於拍攝，少時間湊兩個月大的囡囡Renee：「好掛住個女，我要朝早6、7點起身開工，夜晚返到嚟個女又瞓咗，都要奶奶、媽咪幫手湊，佢哋兩個都殘晒，真係要封番封大利是畀佢哋。」問到她會否出席台慶？Suki表示：「公司話無嘢做，可以唔去。」
B女取名黃心柔
Suki透露與TVB剛續了新約：「年期係一隻手數到晒，都加咗人工，傾約嗰時都未發生挖角潮，無減就得，知道好多人都減咗人工，我係加。」問到為何TVB會減人工？她表示：「可能經濟唔好，共度時艱。」Suki的老公黃浩昨日在facebook上載細女Renee兩個月的玉照，眼仔睩睩，十分精靈，似足Suki的樣子，黃浩表示細女性感又硬淨，想她溫柔點，故改中文名字叫黃心柔。
此外，有份拍攝的糖妹笑言廚藝不俗：「拿手甜品是藍莓芝士蛋糕，以前都有整畀男友食。」
0 comments:
Post a Comment