肥仔嘜變鋼條男 家燕乖仔夜蒲起雙飛
[轉載/Youtube] 薛家燕的丈夫當初突然離家，她含辛茹苦獨力湊大三個仔女，而當年體重達二百幾磅的肥仔石耀庭（Jackson），仔大十八變，已變成身高5呎11吋，體重160磅的型爆俊男，他還一拖二長髮美女夜蒲近照，左擁右抱艷福無邊。薛家燕捱盡不少苦頭獨力支撐家庭，供書教學養育三名子女，更安排三名子女到美國留學，由長女石祐珊照顧兩位弟妹，時光飛逝，三名子女已長大成人，近年亦陸續畢業返港。
昨日本報收到兩張家燕姐的次子石耀庭日前在香港蒲夜店的照片，當年只得十三、四歲體重達二百幾磅的肥仔Jackson，已搖身變成5呎11吋高，體重160磅的型爆俊男，皮膚黝黑。其中一張照片，Jackson左擁右抱兩位笑容燦爛的長髮美女，他夾在中間，兩位美女陶醉地左右兩邊依偎他胸前；另一張照片，他與其中一位長髮美女臉貼臉親密合照，兩人都露出甜美笑容，Jackson笑起來更有兩個深深酒渦。
美女陶醉依偎
家燕姐從記者手中看到囝囝的攬女照後，開心地笑：「同學仔開Party啫，阿仔啱啱喺美國讀完工商管理畢業返港，返咗嚟年幾之嘛，佢家喺香港工作，最近美國一班同學嚟香港玩，應該係帶一班同學仔出去玩，好正常，啲相OK呀，冇問題，佢好乖仔。」
留學積極減肥
相中的長髮美女是不是囝囝女朋友？家燕姐似恨到漏晒口水：「我都想呀，24歲大個仔，讀完書又有自己工作，拍拖好正常，不過佢未帶過女朋友畀我見，亦冇聽佢講拍過拖。」對於Jackson仔變成型男，家燕姐表示：「佢去美國之前，我帶咗佢去減肥，之後，他好乖，keep住做運動，食又好清淡。」以Jackson高大身形及俊朗樣貌，他有沒有興趣入娛樂圈？家燕姐哈哈笑說：「唔知佢有冇興趣呢？不過佢唱歌好好聽。」
0 comments:
Post a Comment