打風打唔甩 陳豪、陳茵媺8號波行禮
[轉載/Youtube] 陳豪和女友陳茵媺昨日在8號風球下，到跑馬地出席活動，穿婚紗的陳茵媺蹺實男友甜蜜得如行婚禮。陳豪早前被拍得於女友深井家短敍及女友餵他吃食物，他直認感情穩定發展中，並大讚女友不只滿分直頭爆燈，擺明打風打唔甩。陳豪與女友陳茵媺昨日以情侶檔於跑馬地出席「莎莎婦女銀袋日」記者會，雖懸掛八號風球但穿婚紗的陳茵媺和陳豪出場時手蹺手，甜蜜得如行婚禮，認真是打風都打唔甩。當大合照時，更似足與家長賓客合照留念和舉杯，惹來一場起哄。
撐食殘廢餐好平常
起初陳豪與陳茵媺表現拘謹，後經現場眾人要求下，陳豪才稍為與女友企近一些。陳茵微大讚陳豪身形好及穿西裝很好看。對於要求兩人蹺手合照，兩人顯得尷尬但隨後也十分合作，奈何陳豪滿面通紅。陳豪日前被拍得到女友深井家的甜蜜照片，他昨日再三否認兩人同居，只承認間中到訪女友家，但甚少過夜。對於被拍得由女友餵食物，陳豪表示屬平常事，問到是否每次到訪均不需用手時，他即尷尬叫女友不要回答，之後他說：「我唔識答！我嗰日只係食維他命，食完要執碗㗎，我都有餵佢，你哋影唔到啫。」
陳母滿意未來新抱
談到兩人的發展，陳豪說：「我哋向來都抱住大方嘅態度，唔係否認任何嘢，只係比較低調，唔想成日掛喺口邊。」被問到女友是否滿分時，他即強調女友爆燈！
由於昨日二人出場恍如結婚場面，問到是否趕回家洞房時，陳豪即尷尬說：「慢慢嚟、逐步嚟，家都係平穩發展。」陳豪直言雙方未見家長，但其母已十分欣賞陳茵媺。陳茵媺同樣大讚男友爆燈，她說：「係呀，仲使講咩！」但對於新居被指乃陳豪出錢租，她說：「我自己交租㗎，如果係佢畀錢我就租大啲喇。」此外，活動完畢後兩人齊齊登上準備好的七人車，其後駛往海港城後，陳茵媺獨自落車，往停車場方向取回座駕後，驅車返回深井寓所。
0 comments:
Post a Comment