[娛樂] 雲翔同志片打真軍唔肯剪

雲翔 Gay片　口交性愛唔剪( 2011-09-10 )


[轉載/Youtube] 話題導演雲翔一直醉心拍攝一啲小眾電影，好似之前嘅《安非他命》就係其中之一，裏面嘅男男戀及性虐鏡頭相當大膽，自然畀電檢處抽秤，就算3級上映都搞咗好耐先通過檢查。
9次送檢
靜咗一排，雲翔最近又有新作《愛很爛》面世，佢話今次比前作仲大膽，戲中唔少男男口交同性愛場面都係真做擺明挑戰電檢。佢日前接受電話訪問時話咁做係想效果逼真啲，唔係要挑戰任何人，佢話：「部戲已經入咗今年第47屆美國芝加哥電影節，同廿幾部片一齊放映，可以畀一個主流電影節邀請當然開心。」
套戲喺當地播出可以一刀唔剪，不過喺香港待遇就完全唔同，套戲由5月送檢到今時今日前後9次仲未過到電檢，雲翔無奈咁話：「電檢話有11個地方唔通過，剪我就一定唔肯，惟有喺後期加工調暗光度或者加啲後期遮掩囉，搞到家我差唔多變成呢方面專家。希望可以趕到下個月舉行首映，幫關懷愛滋基金籌款。」導演話奇怪香港作為一個國際城市呢方面點解咁保守。