[娛樂] Jeana 撇仔 嫌你搵錢少呀

Jeana 撇仔　嫌你搵錢少呀(2011-09-30)
Jeana撇圍村仔爭撫養權


[轉載/Youtube] 陳靜（DaDa）、何佩瑜（Jeana）同楊愛瑾（Miki）、連詩雅等成班《喜愛夜蒲》演員前晚喺銅鑼灣慶功，Jeana露前又露後，以谷胸露背裝搶盡風頭，反而同李雨陽傳出緋聞嘅DaDa就收起性感。
俾我哋踢爆同李雨陽到澳門睇鄭伊健演唱會兼過夜嘅DaDa，死撐話當日係一大班朋友去睇演唱會，冇同李雨陽過夜亦唔係追佢，大家只係好朋友，平日有用sms聯絡，亦試過一齊出街。

暗示男友唔上進
同圍村男友胡志鵬陷入冷靜期嘅Jeana自爆，每日要飲大半支酒先瞓到，又話要爭返隻狗女嘅撫養權，佢話：「家每晚飲酒等到個人唔清醒先瞓，好辛苦。」Jeana暗示男友唔上進，亦默認男友搵錢唔及自己。
噚日，Jeana同梁奕倫冒住8號波去新城宣傳11月嘅舞台劇《偷窺》，Jeana透露會喺劇中着性感內衣褲走嚟走去，Jeana話真係有俾人偷窺感覺都幾尷尬，梁奕倫就話擔心觀眾有越軌行為，所以會請保安監場。