[娛樂] 菊姐紅館認密友同居 阿姐 like

菊姐紅館認密友同居　阿姐 like(2011-09-03)
菊姐台上謝Willy愛得勇敢


[轉載/Youtube]關菊英前晚喺紅館舉行「是她也是關菊英演唱會2011」，除咗母親撐場外，佢嘅同性密友Willy亦喺台下支持，樂易玲、拉姑、林峯、周慧敏等都有撐場，菊姐前後換咗7套衫，當中更不乏性感造型，大晒事業線。
菊姐寶刀未老喺台上獻唱多首金曲，佢仲請咗4位嘉賓陳豪、黃日華、阮兆祥同汪明荃，阿姐出場時大讚菊姐有吉士，又話：「當年佢一聲唔出就去咗外國10年，之後再返香港發展事業同感情，喺感情上愛得好勇敢。」
Willy照顧關母
菊姐喺台上除感謝媽咪之外，亦公開多謝Willy，雖然佢冇喺台上開名，但佢喺慶功宴都承認要多謝嘅人就係Willy，而Willy全程睇得好陶醉，完場時佢仲走去關母度打招呼，跟住佢仲送關母離開。
事後菊姐接受訪問時話之後會同Willy去旅行休息一下，仲大讚對方細心，佢踢爆話：「佢唔敢嚟慶功，我之前喺屋企同佢講要多謝佢，佢話如果我開名就嬲。」菊姐直認家生活好幸福。