妻兒捱餓兩年 李克勤焗簽now
[轉載/Youtube] 五大唱片跟無綫出現版稅風波後，有無綫契仔之稱的李克勤一直力撐娘家，直至昨日克勤終倒戈簽約now為歐洲國家盃擔任大使和主持，他坦言守齋兩年都要食肉，更直言壓力是來自兒子要交學費。自從發生五大唱片跟無綫的版稅問題，李克勤只接受過now一次訪問，昨日克勤終踏出第一步與now合作，昨日他在黃竹坑出席記者會，獲委任為「now TV 2012年歐洲國家盃大使」及客席主持，稍後他會接受好友梁榮忠主持的觀星台訪問，克勤昨日也用廣東話接受now訪問。
守齋兩年要食肉
無綫契仔克勤如今倒戈簽約為now做主持，他語帶無奈說：「如果呢個世界有守齋呢樣嘢，我差唔多守咗兩年，我屋企啲小朋友話我聽唔可以長期食，都要食啲肉，營養好啲。我覺得係時候，真係唔清楚唱片公司同電視台道門幾時開番，嗰條鎖匙究竟去咗邊，都等咗差唔多兩年，我覺得凡事要過得到人，過得到自己。」他笑言now今次很重手，也多謝何麗全給他的自由度，除了歐洲國家盃的講波合約，他沒有其他合約在身，可以在其他電視台如有線或亞視出席音樂節目。
克勤表示今次是適當時候做適當事，任何時間找回鎖匙都可以返無綫，他說：「連我個仔都問我，你唔係做電視咩，唔見你嘅。」會否怕得罪無綫？他說：「我從來冇講過唔會返TVB，TVB一路喺我心目中感覺係娘家，同埋家冇辦法，係我哋冇機會做，主動權唔喺我哋度，唔知幾耐先解決到。」
首次跳槽壓力大
問克勤做決定時有否壓力？他說：「我個仔畀我壓力，佢哋要食飯，要交學費，做藝人長期唔喺電視出現係有唔好影響。」有否興趣與王維基合作？他笑說：「我唔知喎，冇send短訊畀我，係咪何麗全截晒？」
now高層何麗全指克勤考慮了幾個星期，知道他有少少壓力，始終首次加盟另一個電視台。對於近日的挖角潮，他覺得無綫根基厚，制度完善，今次只是少許衝擊。以前他在無綫也面對過更大的挖角潮，今次對幕前幕後人工有調整是好事，相信不會有大影響。
0 comments:
Post a Comment