[娛樂] 張曼玉澄清無貼仔

曼玉澄清無貼仔( 2011-10-29 )
貼仔傳聞損名譽　曼玉：我唔開心


[轉載/Youtube] 張曼玉早前傳和男友Ole分手激瘦，她前晚單拖在港出席派對，曼玉為她送錶送車冧男友、暗示她貼仔的傳聞大表不滿，直指為此事不開心，又謂男友根本不戴錶和不揸車，貼仔傳聞傷害男友名譽！

張曼玉、黃曉明、楊千嬅和潮人黃偉文（Wyman）等，前晚在觀塘巨型畫廊出席Burberry派對，慶祝品牌廣東道新店開幕，美國勁旅Black Eyed Peas更以神秘嘉賓現身表演，全場high爆！

「次次見我都話瘦」
傳與男友Ole分手的曼玉透露回港數天，和家人朋友吃飯敍舊，對被指失戀暴瘦，她說：「我10幾年都咁上下，次次見我都話瘦，你哋咁講我咪瘦到棚骨？一講呢啲（傳失戀）就話我瘦，我生活不知幾開心。」
身邊的公關本來拉曼玉入場，但曼玉留下繼續講說：「我哋係唔係一齊，其實係我哋兩個人嘅事，覺得冇必要同大家交代，但你哋成日寫我買名車、買貴錶畀佢，5年嚟我冇見過我男友戴任何嘅錶、揸任何嘅車！」她不停抱怨道：「有時好唔公平！我冇能力去做呢啲事，呢樣嘢（指男友收她貴禮）對個人嘅名譽好差，好唔公平，呢樣係我唯一要澄清嘅，你哋冇證冇據！」男友不滿嗎？她說：「係我唔開心，冇理由做我朋友要承受呢啲嘢。」
同場的熊黛林（Lynn）透露送了跑車蛋糕給城城做生日禮物，她說：「佢都唔捨得食，只係食咗條跑道，家放咗喺雪櫃。」黃曉明則承認Angelababy曾探其《血滴子》班；千嬅為與甄子丹的新片延期而可惜，有傳是因黃聖依大肚，她說：「只知有人檔期有問題，但唔知係邊個。」