[娛樂] 黃婉曼跳出香港 跳入班房

天氣姐姐開班溝囝　報名要還童( 2011-10-31 )
黃婉曼跳出香港　跳入班房


[轉載/Youtube] 「跳出香港」嘅天氣女郎黃婉曼，即將跳入班房，八方近日收到傳單，上有黃婉曼玉照，以為佢選區議員，原來唔係，上電視教人撳錢之餘，仲變身「星級導師」，11月中開班教小朋友溝通技巧同增加自信，可惜只限8至14歲細路參加，宅男粉絲只能望門興嘆。
黃婉曼係喺一間補習中心開班，兩個課程分別係「表達與溝通」及「我要變自信」，每個課程收生上限28人，唔算小班教學。課程簡介話「天氣姐姐」會透過遊戲，同模擬電視台環境，教小朋友表達溝通技巧。每個課程要上兩堂共三小時，收980元，星級導師自然係星級收費。