「咁多個，睇到都唔舒服」 嘉欣生女驚遇陳冠希
[轉載/Youtube] 【重開艷照門之反面教材】李嘉欣一連兩日出席活動，被問到城中熱話陳冠希和16歲模Cammi的親熱照曝光，她坦言「睇到都唔舒服！」更謂如果生女，她也替女兒擔心。嘉欣又表示要向小JM灌輸正確性知識，教他尊重女性，以免將來煩惱。李嘉欣前晚在中環出席Jimmy Choo鞋履派對，同場還有周汶錡和周嘉玲等。嘉欣穿上白色釘珠裙大談湊仔經，她之前爆小JM是暴力baby，指囝囝會叫爹哋和媽咪，但也很百厭，皮膚靚過自己，她每日都會帶小JM出街，平時也有表哥陪他玩。提到徐子淇表示湊仔只得五小時瞓，她說：「我都有七個鐘頭，成年人都夠。」
教囝囝尊重女性
問李嘉欣可會為囝囝搞一歲生日派對？她說：「唔會，嗰次百日宴已經好memorable，一次夠咯，搞呢啲好勞民傷財。」陳冠希又爆出和16歲模的慾照事件，靚仔一向多煩惱，問嘉欣可會擔心小JM將來？她說：「煩惱係自尋，希望由細到大都可以灌輸正確嘅性知識畀佢，唔會有太多呢類型煩惱。」
嘉欣指老公許晉亨受老爺許世勳認真和專一的薰陶，她說：「囝囝如果似佢爹哋咁，又乖得滯。家庭環境係影響小朋友對另一半嘅睇法，男仔成長過程都要有role model，對女仔係要尊重同愛錫。」
想換90萬新床褥
問嘉欣身為媽咪，會否不認同陳冠希的為人？她即認真說：「唔只作為母親，係作為女性，睇到都唔舒服，咁多個女仔！如果生女，我都擔心。」
李嘉欣昨日又到跑馬地宣傳名貴床品Hastens，她自爆家中的床褥值30多萬，現想trade in家中的床褥，換過一張90萬新床褥，她說：「婚前佢哋搬咗一張去屋企試瞓三日三夜，媽咪推門見到我同老公瞓喺大廳都嚇一跳。」她指老公怕熱，經常將房間冷氣set到16度，她有時在睡房要穿羽絨。
0 comments:
Post a Comment