[轉載/Youtube]填詞人黃偉文（Wyman）明年初在紅館搞騷，請鄭秀文、容祖兒及何韻詩等撐場，傳與Wyman反面的楊千嬅不被邀請。昨日網上流傳千嬅與Wyman多年前交惡的足本文字內容，指千嬅批評Wyman的作品「唔x掂」，Wyman回應「你都唔係唱得好x掂！」。千嬅昨日出席商台記者會時否認爆粗，更讚Wyman為她作過不少經典作品。黃偉文入行18年，不少金曲都由他填詞，故他明年2月在紅館舉行首個作品演唱會，邀請到天后級的鄭秀文、陳慧琳、容祖兒及何韻詩撐場，獨欠與他曾屬好友的楊千嬅。
「冇乜可能發生」
有指05年千嬅曾於派對上爆粗指Wyman的歌詞差，昨日網上流傳足本二人當年對話的文字內容，於05年11月的一個派對上，千嬅要求Wyman將新歌寫得「禪」一點，就像林夕作給她的《電光幻影》一樣。此時Wyman面露不悅，不過千嬅未有收口，再指對方之前所寫的《煉金術》較商業。最後千嬅問Wyman：「咁要問吓你點解鑊鑊你填畀我啲歌都跑唔出！我家話畀你聽，就係你作畀我啲歌唔x掂。」此話一出Wyman即回應：「你都唔係唱得好x掂咋喎。」
千嬅昨日到九展出席商台頒獎禮記者會時，被問到是否曾爆粗指Wyman的歌詞寫得差？她表示：「呢件事冇乜可能發生，唔係事實唔回應，佢寫咗咁多好歌畀我，家好多都係classic。」
少聯絡冇份撐場
問千嬅之後找林夕填詞是否令到別人不高興？她說：「我諗是非係娛樂話題，少講是非就會完，我唔回應啦。」現在與對方是否朋友？千嬅說：「係朋友，但較少聯絡，做朋友心入邊明白就得，唔需要解釋前因後果，唔使拎出嚟講。」她透露至今仍未收到Wyman的邀請出席其明年的演唱會。
網上流傳版本
楊：楊千嬅 黃：黃偉文
2005年11月一個party上
楊：喂呢排點？
黃：無咩點，你畀我隻歌你想點作？
楊：其實呢我想寫少少高深d嘅嘢，好似林夕上次寫畀我隻電光幻影咁，寫禪d。
黃：（面露不悅）隻煉金術唔夠好咩？
楊：商咗d囉（指商業）
黃：又係paco叫我寫嘅……
楊：所以咪放咗喺第2 plug……
黃：對上一隻做第1 plug都唔記得係邊隻喇。
楊：（想咗一陣）可人兒吖嘛！
黃：但嗰年跑出係另一隻喎。（指少女的祈禱，2000年）
楊：咁要問下你點解鑊鑊你填畀我d歌都跑唔出喇！（理直氣壯）
黃：嘩我點鬼知？
楊：（微醉）我家話畀你聽，就係你作畀我d歌唔×掂！
黃：你都唔係唱得好×掂咋喎！
楊：咁無嘢好講啦！我下年會搵林夕包碟㗎喇！（2006年大碟unlimited找了林夕包碟）
黃：哦！
0 comments:
Post a Comment