袁莎妮猛男伴遊花園
唐唐前日不惜打倒昨日的我，再度開腔為緋聞拆彈，首度表明「課外活動」女主角唔包括公職人士，總算係還番個清白畀佢喺政府嘅好拍檔、當年做佢政務助理嘅袁莎妮。唔知係咪上天注定，噚日袁莎妮竟然咁啱到訪立法會，仲咁啱行過最多記者駐守的位置。
事緣噚日民主派議員喺立法會五樓咖啡閣旁邊會議室開飯盒會，劉慧卿見記者苦等，就請記者去咖啡閣飲咖啡，點知一飲即有意外收穫，成班記者見到袁莎妮喺撐唐營嘅林健鋒帶領下，同成班香港總商會新理事，喺咖啡閣附近遊花園。總商會嘅總裁袁莎妮就在其中。
英英大格鬥 開波啦!( 2011-11-18 )
何時宣佈參選特首 唐開腔 梁搶閘
明年3月25日舉行的特首跑馬仔賽事，篤定至少有唐英年及梁振英兩位建制派人士「入閘」。早前爭先鬥快辭職的唐、梁，同在昨天爭相公佈月底宣佈參選，未正式開賽已不甘墮後。重整公關團隊的唐快馬加鞭，昨在記者會上硬銷較對手優勝之處，民望大墮後的他力爭後來居上。
一問私生子 變臉!( 2011-11-18 )
間接澄清袁莎妮非緋聞主角
一句「感情缺失」換來民望插水，唐英年昨在記者會上繼續被傳媒追問其婚外情，但堅拒透露詳情，只稱不涉任何公職人員，間接還曾捲入風波的香港總商會總裁袁莎妮一個公道。
一直避談「缺失」詳情的唐英年，昨續被要求交代，有記者更質疑他為何不直接替袁莎妮澄清，唐聽罷即面色一沉指：「呢個係有一段心路歷程嘅，亦都經過掙扎，因為我做咗一件傷害我哋（夫婦）感情嘅事。」
唐稱當日拖着老婆交代「缺失」，其實經過一番掙扎，經慎重考慮後才鼓起勇氣走這一步，以「有承擔」來形容自己的做法：「太太好清楚，佢亦都原諒咗我，我家人亦受到呢件事衝擊。」他稱緋聞對其民望一定有影響，「我接受呢個打擊，因為我有勇氣行出嚟認。」
0 comments:
Post a Comment