遇色狼絕不手軟 鍾楚紅：打到佢趴喺度
[轉載/Youtube] 鍾楚紅（紅姑）不負她性感女神之名，前晚一身黑色西裝谷胸打扮現身時尚活動，明艷照人。紅姑亦有關注熱烘烘的陳嘉桓事件，自嘲是悶蛋一名，出外拍戲也甚少夜蒲，揚言若有人對她「毛手毛腳」，她必出盡力打到對方趴喺度。鍾楚紅（紅姑）前晚現身海港城，出席法國品牌Roger Vivier的新店活動，同場還有陳浥萍、張燊悅、徐濠縈和陳小韻等。紅姑身穿黑色corset襯西裝外套谷胸上陣，艷光四射，吸引半百途人駐足，更大讚紅姑keep得好，美麗依然。記者大讚紅姑性感，她即笑言：「唔好嚇我，唔好講啲咁嘅嘢。」紅姑透露有留意近日全城鬧得熱烘烘的陳嘉桓事件，問到她昔日拍戲有否發生過遭人輕薄的情況，她說：「自己好少去夜場，女仔都要小心啲，借酒行兇嘅人一定有，去都要同啲相熟嘅人去。」
張燊悅教訓陳浩民
問鍾楚紅在外地工作時，有否被人「抽水」的經歷，紅姑說：「眼望望就一定有，自己會小心，平時拍完戲都會即刻返屋企，生活好悶蛋，如果有人向我毛手毛腳，我就踢佢，打到佢趴喺度為止，我唔忍得呢啲嘢，我會出盡身體嘅力氣反抗，唔可以畀呢啲事發生。」此外，曾與陳浩民合作的張燊悅，記者提到陳浩民帶着懷有身孕的太太出來謝罪一事，她即笑言：「恭喜晒！都唔知佢結咗婚，點都好，唔好影響太太，做咗人老公，要呵護老婆，要乖，有頭家唔係單身時，乜都要有商量。」
0 comments:
Post a Comment