[娛樂] 趙碩之 兩王一后開兩餐

大咬趙碩之　兩王一后開兩餐( 2011-11-19 )
餓女盛筵　　趙碩之連嗒兩猛男


[轉載/Youtube] 現年23歲嘅趙碩之（Wylie）似乎非常搶手，早排俾本報記者發現佢同胡渭康結伴睇X JAPAN演唱會兼喺微博傳情，前日傍晚馮仁昭喺又一城皇府見到Wylie一個人食雲吞，但佢就開咗兩個茶位，馮仁昭梗係住佢，睇吓佢係咪約咗邊位公子？

輪住嚟食
Wylie坐咗15分鐘左右，就見到蕭定一家力捧緊嘅新丁張建聲（Justin)笑到四萬咁口出現，Wylie見到佢成隻開籠雀咁，兩人傾到手舞足蹈，唔停嘴又食又傾，食咗個半鐘後，Justin好有風度畀錢埋單。醫完肚，Justin再陪Wylie行LOG-ON睇化妝品同聖誕裝飾，兩人仲好浪漫咁倚住欄杆傾偈，Justin成個觀音兵咁跟到實。
兩人喺欄杆傾咗一陣，Wylie突然拖住Justin落地下會合另一個觀音兵，風騷Wylie左右蹺實兩壯男再轉到另一間餐廳，大食Wylie竟然喺短短3粒鐘連食兩餐，Justin陪兩人坐咗一陣即冇癮離開。Justin係影圈新人，早前拍過三級片《3D肉蒲團》，嚟緊嘅3D新片《紫荊俠》都有佢份演出。