二房為賭王賀壽三房唔知 超雲寸超瓊打尖
[轉載/Youtube] 賭王何鴻燊本月25日90大壽，二房已率先在20號為他打頭陣設宴君悅，前晚三房長女超雲亦預告翌日接力於四季設宴。超雲更自爆已籌備半年，奈何與二房日期「突然」緊接，聲言擔心賭王父親體力應付問題，更自稱致電家姐何超瓊（Pansy）未獲回覆，表現有點憂心。賭王何鴻燊三房長女何超雲前晚以一身金魚鱗tube top，帶病現身沙田文化博物館，以得獎者身份出席十大傑出衣着人士頒獎活動，問到她如何為賭王賀壽時，她即表現有點憂心：「禮物諗緊，家頭痛另一樣嘢，我哋三姊弟想搞一個party，往年我哋喺珍寶海鮮舫搞，今年想就啲澳門嚟嘅賓客，21號會喺四季酒店度搞，唉，我哋準備咗大半年，睇到新聞20號有另一個派對，連續兩日有party，驚爹哋有少少攰同辛苦，本來想delay場地，不過就唔啱，幾日前打畀家姐Pansy，佢忙搵唔到佢，好想同佢商量吓爹哋身體問題，畢竟都90歲，會少少擔心，希望佢20號晚休息多啲，應該會好啲，爹哋未跌親前身體好好。」
讚山聰演技好
問到有否知會父親會連走兩場？她說：「兩日前通知咗佢，應該OK，佢未跌親前好雀躍，好開心。」問她會否不高興Pansy未有回覆，她表示：「唔會，佢忙。」再問到會否提議幾房人一起慶祝，她續說：「聯絡到先。」
超雲首度獲獎，單拖現身頒獎典禮，現任男友陳山聰未有相陪。超雲之後在微博上載與母親陳婉珍及男友陳山聰慶祝得獎的照片，表現興奮。超雲在活動上表示希望山聰也可獲此獎，更大讚男友在《萬凰之王》表現好：「睇過吓，做得幾好有進步。」
此外，賭王三太陳婉珍前晚到尖沙嘴出席東華活動，她透露賭王的生日慶祝活動已進行得十分順利，更笑指賭王得知仔女與他慶祝十分高興。
至於生日禮物，三太說：「年年都有送，今年唔例外，不過唔講，要驚喜，生日會啲仔女搞，自己亦唔知乜嘢主題。」
0 comments:
Post a Comment