Header Row

[娛樂] 孫耀威狂鬧TBB 王喜踩多腳

老孫鬧爆無綫 王喜踩多腳( 2011-11-04 )
陳美詩車禍傷頸骨 孫耀威狂鬧TVB王喜助威


陳美詩朱慧敏沖繩炒車歸來


[轉載/Youtube] 孫耀威昨日凌晨往醫院接大前日在日本冲繩拍攝旅遊特輯炒車受傷入院的女朋友陳美詩出院,其間繼續炮轟無綫安排失當,完全不尊重藝人。他的言論引起年前同因工險喪命的王喜在微博回應,表示TVB刻薄藝人早有前科。

孫耀威(Eric)昨日凌晨到九龍法國醫院,探望在日本冲繩拍攝無綫收費台自駕遊特輯炒車受傷的女友陳美詩(Macy),到凌晨一時許他同女友出院。安排Macy登上7人車後,Eric說:「醫生話Macy頸骨移咗位,內臟冇事,要做物理治療同休息多啲,醫生寫咗幾星期假。佢唔應該出院,不過佢想返屋企。」

對意外置若罔聞
Eric繼續炮轟無綫:「冇聯絡過樂易玲小姐,不過我覺得安排出咗問題,Macy根本唔識揸車,佢個牌生銹嘅,仲要佢去日本揸車,嗰度啲山路好似《頭文字D》咁,喺香港佢都揸唔掂,何況當地。」他表示沒有說無綫任何人不對,只是處理不當,他說:「原本Macy今日都冇機返嚟,係我喺微博一嘈就返到,仲搵人接機,咁係關心同事定做show,我唔介意做衰人出嚟鬧,藝人係要尊重。」稍後他送女友返回她的長沙灣寓所,Macy昨日整日留在家。跟Macy一同在日本出事的朱慧敏昨日在微博報平安,又感謝日本警方和救援隊及公司的安排。
08年為TVB拍節目攀登珠峯的王喜,先在Eric的微博留言,表示公司對同事出事置若罔聞:「在登珠峯高山症腦缺氧差點死了……留院7日無效,到最後,也是自己賭命扛着兩大袋行李,一個人上機回香港,這公司連派一個人來機場幫我提行李都沒有」,王喜又在自己的微博寫着:「我是對不起父母,為了那份工,那家公司,竟然差點賠上性命……拍烈火二在凌晨三點燒傷左臉,七點下班後才去醫院,同日下午三點就繼續開工,只拍右邊臉。」

轟朝7晚11揸車
無綫外事部副總監曾醒明表示Macy和朱慧敏安好,對於Eric鬧爆無綫安排,曾醒明說:「Eric心情較激動緊張係可以理解,當日公司已經即刻安排返港,唔係Eric所講咁,件事純粹係意外。」
此外,孫耀威昨晚接受now 102觀星台訪問,他在節目內繼續炮轟無綫,並繼續爆料說:「Macy每日揸車,由朝早7點揸到晚上11點,喺冲繩由南去北……連去廁所都要行出房外面大廳,同埋山外面喺公廁去冲凉……直到噚日早上,都冇任何指示話佢哋會返嚟,到最後我先開始打個電話畀高層,逐個逐個打……」

0 comments:

本週 YoutubeHK 熱門影片