買紅酒戀上外籍女 唐英年續爆緋聞 私生子居歐洲
政壇 Angelababy越大越索( 2011-10-06 )
越大越靚網民like 袁莎妮政壇Angelababy
[轉載/Youtube] 愛情專家講得啱，同你結婚嗰個，未必係你最愛嗰個，懦夫唐唐嘅婚外情故事，唔知係咪最佳例子？呢個世界好殘酷，尤其係網上討論區，網民家陣不斷將唐太同極力否認同唐唐有路嘅袁莎妮比較，兩個女人前日現身公仔箱，高登討論區即時熱烈討論，高登仔幾乎一致高度評價袁莎妮，「終生伴侶」即時慘被比下去。睇落絕對唔似41歲
有高登仔話，貴為總商會總裁嘅莎妮個樣好鬼索，絕對唔似41歲：「老老實實，佢歲數減七我都信」，有網民仲大讚佢塊面睇落好鬼滑，當然亦有人質疑佢之所以咁正，係貴價化妝品嘅神奇效果，話晒女人化妝前後，絕對可以係兩個樣。
與其話化妝品效果，不如話莎妮越大越靚好過。八方翻查以往仲係AO嘅莎妮，個樣的確同家係兩個樣。有網民質疑，去開會嗰個女人，唔係袁莎妮本人，「會唔會有人代佢出席嗰次會？」莎妮「女大卅八變」，唐唐只係讚佢「能幹」，八方認為，莎妮係美貌兼能幹並重。不過，亦有網民質疑佢係咪「不斷整」，先至搞到家咁索，仲語帶相關話袁莎妮係「政壇Angelababy」，網友把口真係衰到冇朋友。
至於唐太呢？有網民話佢似阮小儀喎，唔知呢句係彈定係讚，可能阮小儀介意多啲。有網民話，見到唐太同唐唐拖住手出嚟時，全面打量咗佢嘅身形，大讚唐太身形keep得唔錯，唔單止有腰，仲有前有後。唐太呢回都唔輸得晒。
唐唐呢段婚外情，邊個係女主角，真係唐唐先知。但係唐唐就俾人惡搞，整咗幅合成圖要佢「浸豬籠」，懲罰佢瞞住老婆出去搞女人。有網民好應景咁樣，送咗兩句歌詞畀唐唐，出自陳奕迅嘅hit歌《人來人往》：「閉起雙眼我最掛念誰 眼睛張開身邊竟是誰」。歌詞旁邊，第一句係配袁莎妮，第二句係配唐太。
袁莎妮小檔案
英文名：Shirley
出生日期：
1969年11月5日
年齡：41
現職：香港總商會總裁
加入政府年份：1991年
離開政府年份：2010年
過往在政府任職職位：唐英年任職財政司司長、工商科技及廣播局局長時的政務助理、運輸及房屋局副秘書長、行政署副署長、工商局首席助理局長、東區、大埔民政事務專員
資料來源：《蘋果》資料室
0 comments:
Post a Comment