「羞恥堂」網捉泊車霸王
[轉載/Youtube] 停車場內常見亂泊車過界，令着急找車位的司機火滾。揸車五年、自言最怕人不守秩序的Alan上月建立「PK Parking」網（http://pkparking.hk/），帶頭呼籲睇唔過眼的網民做另類「黃腳鱲」，見到有車泊得衰就影相連車牌上載。網站一個月已吸引逾1.5萬人瀏覽，最高峯時平均每天有近20張相片上傳。最誇張霸三個車位
Alan將這個網站形容為泊車「羞恥堂」（Hall of Shame），只要泊車衰就有機會上榜，有相片顯示打橫泊車，最誇張是霸佔三個車位；有車停泊在寫明是鎖車地帶或已封位置；有汽油車霸佔電動車叉電車位。Alan自己亦曾在今年灣仔會展舉行書展時，發現有車停泊在通道，但旁邊車位明明是空着，令Alan哭笑不得。
在Alan印象中，泊車霸王無處不在，但哪些車泊得最衰？「長車囉，長車一般都係貴車。」他以多柱位的尖沙嘴海港城停車場為例，部份車位只適合泊細車，但有車主為省時間，結果長車都照泊，車頭伸出通道，嚴重阻礙行車，「停車場啲阿姐都係打份工，佢哋有時都唔想咁多事。」
有30年駕駛經驗的汽車會委員李耀培說，本港不少車位雖較窄，但隨着科技進步，車輛設計亦方便泊車，故若仍泊車泊得東歪西倒，明顯是欠公德心、駕駛態度差，而近年情況明顯嚴重了。李指自己都身受其害，「試過將架新車泊喺停車場，畀其他泊得太貼嘅車開門時撞凹咗。」他說，停車場內亂泊車無法例規管，管理員甚少會警告霸了兩個車位的司機。
Alan說，其實有不少香港人與他一樣，對泊車霸王的行為「睇唔過眼」，有網民更因此將「高登神獸卡」貼在一輛屢次亂泊的七人車車頭玻璃上，直斥車主自私。Alan相信，網站能起些微警惕作用，但難改變香港人的駕駛態度，他正考慮推出手機app，方便網民即拍即上載，並附有地點、時間等資料。
0 comments:
Post a Comment