[娛樂] 出爐視帝鄭嘉穎炒 座駕撞石壆

出爐視帝炒車　好狗唔攔路( 2011-12-08 )
視帝鄭嘉穎座駕撞石壆


[轉載/Youtube] 剛奪得無綫電視三料視帝鄭嘉穎，昨晨駕駛寶馬X6房車，在將軍澳電視城對開避狗時失事撼向石壆。視帝有驚無險，接受警方調查時晒頭。
昨晨8時許，三料視帝鄭嘉穎（42歲）駕駛一輛價值80萬元的寶馬房車返回將軍澳電視城，房車沿環保大道南行右轉入駿宏街，在電視城外失控，撞爆靠左路邊逾一米長花槽石壆。寶馬房損毀，車頭泵把半甩安全氣袋彈出。

受調查後續往拍外景
鄭向警方講述車禍經過時不斷頭，聲稱因閃避流浪狗失事，之後返回電視城，如常與胡杏兒、麥長青到尖沙嘴參與新劇《怒火街頭2》外景拍攝，與粉絲有講有笑。
憑劇集《怒火街頭》Law霸一角成功掃走霉氣的鄭嘉穎，本周一榮膺最佳男主角、我最喜愛的電視男角色和tvb.com微博人氣大獎，成為三料視帝。鄭昨說：「唔想講太多，好小事，冇見血冇受傷，呢啲嘢有得必有失，得到太多都要化返啲出去，總之多謝大家關心。」鄭成視帝後曾揚言買新車，昨日改口風表示待座駕修理好再作打算。

外景車鏟落山坡四傷
另外，無綫電視一輛外判客貨車，昨午3時許接載新劇《護花危情》資深女導演冼燕芳、姓伍男助導、姓梁男製作助理三人，到大帽山一帶取景。
其間沿大帽山路落山駛往荃錦公路時失事鏟落15米深山坡翻側。男司機連外景人員四人獲救送院。